Eldfjall

Hannes er 67 ára, hann er af gamla skólanum, lokaður maður og þungur á brún. Mikið óyndi sækir á hann þegar hann sökum aldurs þarf að láta af starfi sínu sem húsvörður í skóla. Hann hefst þó handa við að dytta að gömlum bát sem hann á, en er áfram afundinn og dauflegur gagnvart Önnu, eiginkonu sinni, og uppkomnum börnum, sem einungis heimsækja foreldra sína vegna móður sinnar og vilja ekkert með föður sinn hafa. Þegar Anna veikist alvarlega horfir veruleikinn öðruvísi við og knýr Hannes til að skoða sjálfan sig og samskiptin við eiginkonu sína og börn. Eldfjall er ástarsaga og um leið þroskasaga roskins manns.

Efnislýsing: Kvikmyndamiðstöð Íslands