Brúðguminn

Jón (Hilmir Snær Guðnason) er nú að kvænast öðru sinni. Í þetta sinn konu sem er helmingi yngri en hann og fyrrum nemandi hans úr háskólanum. Brúðkaupið er haldið í Flatey á Breiðafirði, en ekki eru allir hrifnir af ráðahagnum og í þeim hópi eru tilvonandi tengdaforeldrar Jóns. Þegar gestirnir taka að flykkjast til eyjunnar, fara að renna tvær grímur á brúðgumann. Hann rifjar upp hvernig á því stóð að hann tók sér ársleyfi frá kennslu og fluttist út í Flatey ári áður með þáverandi konu sinni, Önnu.

Efnislýsing: Kvikmyndamiðstöð Íslands