Börn náttúrunnar

Í Börnum náttúrunnar segir frá rosknum bónda sem bregður búi og flyst til dóttur sinnar í Reykjavík. Aðstæður eru erfiðar; samskipti gamla mannsins og fjölskyldu dóttur hans eru stirð og úr verður að hann flytur á elliheimili þar sem hann fyrir tilviljun hittir æskuvinkonu. Saman rifja þau upp gamla og betri tíð og ákveða að strjúka saman á heimaslóðir. Skemmst er frá því að segja að ferð æskuvinanna heim í sveitina verður í meira lagi viðburðarík. Myndin fjallar á mannlegan, fallegan og grátbroslegan hátt um fylgifiska þess að eldast, vináttu sem aldrei deyr og tengsl manns og umhverfis.

Efnislýsing: Kvikmyndamiðstöð Íslands